အားလုံးပဲ မင်္ဂလာပါ… အရင်ရက်တွေက နို့မှုန့်၊ နို့ဘူးတိုက်ကျွေးခြင်းရဲ့ အန္တရာယ်တွေကို မျှဝေခဲ့လို့ တစ်ချို့မေမေတွေက ဒီ Page ရဲ့ Admin တွေက နို့မှုန့်ကုမ္ပဏီတွေနဲ့ ရန်ဖြစ်ထားလို့လားဆိုပြီး မှတ်ချက်လေးတွေ ပေးခဲ့ကြတာရှိပါတယ်… Page ရဲ့ Admin တွေက ဘယ်နို့မှုန့်ကုမ္ပဏီတွေနဲ့မှ ရန်ဖြစ်မထားသလို ဘယ်နို့မှုန့်ကုမ္ပဏီရဲ့ sponsor ကိုမှာ ယူလေ့မရှိပါဘူး… ဒါဟာ အာဟာရပညာရှင်တွေ၊ ကျန်းမာရေးပညာရှင်တွေ စောင့်ထိန်းရမယ့် ကျင့်ဝတ်ကို စောင့်ထိန်းရမယ့် ကျင့်ဝတ်ကို လိုက်နာနေတာဖြစ်သလို၊ မိခင်နို့တိုက်ကျွေးရေးကို ကာကွယ်နေတာပဲဖြစ်တယ်… ဒါဟာ Healthy and Happy Families အဖွဲ့ရဲ့ မူဝါဒ policy လည်းဖြစ်ပါတယ်…
မိခင်နို့တိုက်ကျွေးခြင်းကို ကာကွယ်ရာမှာ the International Code of Marketing of Breastmilk Substitutes လို့ခေါ်တဲ့ နိုင်ငံတကာ မိခင်နို့အစားထိုးပစ္စည်းများ စျေးကွက်တင်ခြင်းဆိုင်ရာ စျေးကွက်တင်ခြင်းဆိုက်ရာကိုဗဥပဒေ ဟာ သိပ်ကိုအရေးပါပါတယ်…
၁။ နို့မှုန့်ရောင်းချတဲ့နို့မှုန့်ကုမ္ပဏီတွေဟာ ဦးတည်ချက်လွဲမှားစေနိုင်တဲ့ သတင်းအချက်အလက်တွေနဲ့ မိဘတွေကို စိတ်ရှုပ်ထွေးစေပြီး မိခင်နို့တိုက်ကျွေးခြင်းကို မကြာခဏဆိုသလို အားနည်းစေပါတယ်။
၂။ ကျန်းမာရေးပညာရှင်တွေအတွက် သင်တန်းတွေအတွက် နို့မှုန့်ကုမ္ပဏီတွေက ငွေကြေးထောက်ပံ့ပေးတဲ့အခါမှာ မိဘတွေဟာ ကျန်းမာရေးပညာရှင်တွေဆီက ဘက်လိုက်တဲ့ အကြံဉာဏ်တွေကိုသာ ရရှိစေတတ်ပါတယ်။
၃။ နို့မှုန့်ကုမ္ပဏီတွေက မိခင်တွေနဲ့ဆက်သွယ်ပြီး ယုံကြည့်မှုကိုရရယူတတ်ပါတယ်။ ဒီလိုလုပ်ခြင်းအားဖြင့် မိခင်တွေရဲ့ သူတို့သားသမီးလေးတွေအတွက် ဘာကိုတိုက်ကျွေးရမယ်ဆိုတဲ့ ဆုံးဖြတ်ချက်တွေကို ပြောင်းလဲစေပါတယ်။
၄။ ဆေးရုံဆေးခန်းတွေ၊ ဆရာဝန်တွေရဲ့ဆေးခန်းတွေကနေတဆင့် နို့မှုန့်နမူနာတွေကို အခမဲ့ဖြန့်ဝေတာ၊ အရောင်းမြှင့်တင်ရေး ကြော်ညာတာတွေလုပ်ဆောင်တာက မိခင်နို့တိုက်ကျွေးခြင်းကို အားနည်းချိနဲ့စေပါတယ်။
၅။ နိုင်ငံတွေရဲ့ အစိုးရတွေအနေနဲ့ နို့မှုနု့်ကုမ္ပဏီတွေအနေနဲ့ မိဘတွေကို ဦးတည်ပြီး ဦးတည်ချက်လွဲမှားစေနိုင်တဲ့ အတင်းကာရော အရောင်းမြှင့်တင်မှုတွေ မလုပ်နိုင်အောင် အကာအကွယ်ပေးနိုင်မယ့် ဥပဒေတွေ ပြဌာန်းအကောင်အထည်ဖော်ဖို့လိုအပ်တယ်။ (မှတ်ချက်။ မြန်မာနိုင်ငံမှာ ဥပဒေရှိထားပြီးဖြစ်သော်လည်း အကောင်အထည်ဖော်မှုကတော့ အလွန်ပင် အားနည်းနေဆဲဖြစ်ပါတယ်။)
ဒီအချက်အလက်တွေရဲ့ အရင်းအမြစ်က World Health Organization (ကမ္ဘာ့ကျန်းမာရေးအဖွဲ့) နဲ့ UNICEF (ကုလသမဂ္ဂ ကလေးများရန်ပုံငွေအဖွဲ့) တို့ဖြစ်ပြီး ဒီလိုမျှဝေရတာဟာ မြန်မာနိုင်ငံမှာလည်း နို့မှုန့်ကုမ္ပဏီတွေက နိုင်ငံတကာဥပဒေကို ဆန့်ကျင်ပြီး အရောင်းမြှင့်တင်ရေးလုပ်ငန်းတွေကို အားတက်သရောလုပ်ဆောင်နေတာကို ဆက်လက်တွေ့ရှိနေရလိုပဲဖြစ်ပါတယ်…
the International Code of Marketing of Breastmilk Substitutes အကြောင်းကို အလျဥ်းသင့်သလို ဖော်ပြပေးသွားပါမယ်…
ဖေဖေ မေမေ ဖိုးဖိုး ဖွားဖွားတွေနဲ့ လူထုတစ်ရပ်လုံးကို သတင်းစကားပါးချင်တာက မိခင်နို့သည်သာ သားသား မီးမီးတို့အတွက် အကောင်းဆုံးရွေးချယ်မှုပါ…
မိခင်နို့တိုက်ကျွေးရေးကို မြှင်တင်ဖို့ (Promote)၊ အကာအကွယ်ပေးဖို့ (Protect) လုပ်ဖို့နဲ့ မိခင်နို့တိုက်ကျွေးရေးနဲ့ပါတ်သက်လို့ မေမေတွေ မိသားစုတွေလိုအပ်တဲ့အကူအညီကို ပေးနိုင်ဖို့ (Support) Healthy and Happy Families အဖွဲ့သားများက တစိုက်မတ်မတ်ကြိုးပန်းလျှက်ရှိပါတယ်…
ဥပဒေအပြည့်အစုံကိုလည်း လေ့လာလို့ရအောင် တင်ပြပေးထားပါတယ်…
Loading…
Reload document 
Open in new tab မိခင်နို့တိုက်ကျွေးခြင်းနဲ့ပါတ်သက်လို့အချင်းချင်း အတွေ့အကြုံ ဗဟုသုတတွေ မျှဝေနိုင်ဖို့၊ အခက်အခဲတွေကို အတူတကွ ဖြေရှင်းနိုင်ဖို့မေ့မေ့ချိုချိုဆိုတဲ့ Group လေးလုပ်ထားပါတယ်။ လင့် လေးကိုနှိပ် Group Member တင်ဖို့ ဖိတ်ခေါ်ပါတယ်။ Member ဝင်တဲ့အခါ မေးခွန်းလေးတွေကိုဖြေပေးဖို့ မမေ့ပါနဲ့နော်။
မေမေ့ချိုချို Group ကို ဝင်ရန်။ http://bit.ly/maymaychocho
